19 aprel 2011 00:18
Xəzər Lənkəran`ın Rusiyada fan-klubu açıldı
Rusiyanın paytaxtı Moskvada “Xəzər Lənkəran”ınrestoranı, ofisi və fan-şopunun yaradılması prosesi yekunlaşmaq üzrədi. Azerisport.az xəbər verir ki, bu barədə məlumatı klubun rəsmi saytına ümumrusiya “Xəzər Lənkəran” fan-klubunun sədri Vüqar Hüseynov verib.
Restoran, ofis və fan-şop Moskva şəhərində, Leskov küçəsi, 34 ünvanında fəaliyyət göstərəcək. Bütün bunlar 450 kvadrat metr olan sahəni əhatə edəcək. Restoran 200 nəfər üçün nəzərdə tutulub. Bundan əlavə burada 50 nəfərlik VİP zal olacaq. Bütün otaqlar “Xəzər Lənkəran” futbol klubunun simvolları və atributları ilə bəzənəcək.
“Açılışa hazırlıq yüksək səviyyədə aparılır, və biz bunu may ayında, Premyer Liqa oyunlarının yekunlaşması ərəfəsində həyata keçirməyi planlaşdırırıq. Mərasimdə iştirak üçün həm də bizim tanınmış artist və musiqiçilərimizi dəvət etməyi nəzərdə tutmuşuq”, - deyə Vüqar Hüseynov qeyd edib.
