21 aprel 2011 03:00
Real Barcelona üzərində minimal hesablı qələbə və kubok qazandı (YENİLƏNİB)
Bu gecə dünya futbolsevərlərinin diqqəti yenidən İspaniyaya yönəlmişdi. Azerisport.az xəbər verir ki, ötən həftənin şənbə günündən fərqli olaraq bu dəfə Madrid yox, Valensiya diqqət mərkəzində idi.
Çünki burada təkcə İspaniyanın yox, eləcə də dünyanın iki nəhəng klubu - "Barcelona" və "Real” növbəti "El Klasiko"ya çıxdı. Bu dəfə "Kral Kuboku"nun finalında üz-üzə gələn əzəli rəqiblərin qarşılaşmasına "Mestalya" ev sahibliyi edirdi.
Bu əzəli rəqiblərin kubokda 29-cu dueli idi. Bu oyuna qədər keçirilən 28 qarşılaşmanın 14-də "Barsa", 9-da "Kral Klubu qalib gəlmişdi. Qalan 5 qarşılaşma isə sülhlə bitmişdi. Rəqiblər "Kral Kuboku"nun finalında da 6-cı dəfəydi qarşılaşırdı. Yenə də "Barsa" rəqibi ilə duellərdə üstün durumdaydı. Keçirilən 5 finalın 3-də kataloniyalılar, 2-də madridlilər sevinən tərəf olmuşdu.
Bütövlükdə isə, bu oyun "El Klasiko" tarixində baş tutan 211-ci qarşılaşma oldu. Bu oyuna kimi keçirilən 210 matçın 85-də "Real", 82-də "Barselona" qələbə qazanmıç, 43 matç isə sülhlə bitmişdi.
Lakin bu dəfəki qarşılaşmanın sonunda gülən tərəf "Real" oldu. Əsas vaxtı qolsuz bitən qarşılaşmanın əlavə vaxtında - 103-cü dəqiqəsində Ronaldonun vurduğu yeganə qol "Real"a vacib qələbə və kuboku qazandıırdı.
Qeyd edək, 18 gün ərzində futbolsevərlər dörd "El Klassiko"ya şahidlik edəcək. Aprelin 16-da Madriddə keçirilən ilk "El Klassiko" sülhlə bitmişdi - 1:1. Bu günkü qarşılaşmadan sonra "Real"la "Barselona" Çempionlar Liqasının yarımfinalında da üz-üzə gələcəklər. İlk oyun aprelin 27-də Madriddə, cavab qarşılaşması isə mayın 3-də Barselonada keçiriləcək.
İspaniya kuboku
Final
20 aprel
Barcelona - Real - 0:1
Qol: Ronaldo, 103.
