20 aprel 2011 15:26
Rauf Əliyev fevral, Flavinyo mart ayının ən yaxşısı oldu
Futbol üzrə Azərbaycan Premyer Liqasının 2010-2011-ci il mövsümünün fevral və mart ayları üçün "ən yaxşı oyunçu"ların kimliyi müəyyənləşib. Azerisport.az xəbər verir ki, bu gün Peşəkar Futbol Liqasının bununla bağlı keçirdiyi ənənəvi tədbirdə məlum olub ki, “Qarabağ”ın hücumçusu Rauf Əliyev fevral, Flavinyo isə mart ayının ən yaxşı futbolçusu seçilib.
Onlar Peşəkar Futbol Liqasının KİV nümayəndələri, klubların baş məşqçiləri və kapitanları arasında keçirdiyi sorğuya əsasən qalib gəliblər. Bununla bağlı onların mükafatlandırılma mərasimi keçirilib və hər iki futbolçuya PFL-in xüsusi hədiyyələri və pul mükafatları (ənənəvi olaraq 1111 AZN) təqdim olunub.
Qeyd edək ki, Rauf hazırda millimizin düşərgəsində olduğundan, ona çatası mükafatlar təmsil etdiyi klubun nümayəndələsinə verilib.
