20 aprel 2011 18:44
Ramiz Məmmədovu kubokdan kənarlaşdırdılar (YENİLƏNİB)
Bu gün Qazaxıstan kubokunda 1/8 final mərhələsinin oyunları keçirilib. Azerisport.az xəbər verir ki, ilk mərhələdə “Astana” üzərində 2 cavabsız qolla qələbəyə sevinən həmyerlimizin komandası bu dəfə “Tobol”la münasibətlərinə aydınlıq gətirib.
Qeyd edək ki, bu komanda son ölkə çempionu idi. Bir oyundan ibarət qarşılaşma da məhz “Tobol”un meydanında keçirilirdi. Bu üzdən həmyerlilərimizin komandası üçün çətin olacağı öncədən də bəlli idi. Elə hesabı da meydan sahibləri açdı. Lakin buraxılan erkən qoldan sarsılmayan "Atırau" fasilədən dərhal sonra hesabı bərabərləşdirməyi bacardı. 90 dəqiqə heç-heçə bitincə, qalibi müəyyənləşdirmək üçün əlavə vaxt təyin olunub. 114-cü dəqiqədə hesabda önə də keçən Məmmədovun komandası 1/4 finala adlamağa yaxın olsa da, son dəqiqələrdə buraxdığı iki qol onların mübarizəni erkən dayandırması ilə nəticələnib.
Qazaxıstan kuboku
1/8 final
20 aprel
TOBOL - ATIRAU - 3:2 (0:1, 1:1, əlavə vaxtda - 2:1)
