20 aprel 2011 17:33
Baş məşqçi üçün bombalı paket göndərdilər
Şotlandiyanın “Celtic" klubunun baş məşqiçi Neyl Lennon, baş məşqçinin vəkili Paul Makbrayd və Şotlandiya parlamentinin deputatı Triş Qodmana bombalı paket göndərilib. Azerisport.az xəbər verir ki, onların arasında Lennon daha öncə də oxşar təhdidlərlə üzləşdiyini bildirib.
Olayla bağlı araşdırmalara başlayan şotland polisi paketlərin "öldürmək və ya zədələmək" məqsədi ilə göndərildiyini açıqlayıb.
Şotlandiya prezidenti Aleks Salmond bu kimi hərəkətləri edənlərə heç vaxt güzəşt etməyəcəklərini bildirib: “İstintaqın uğurla yekunlaşması üçün polisə hər cür dəstək veriləcək”.
Qeyd edək ki, Şotlandiyanın Qlazqo şəhəri dünyanın ən önəmli derbilərindən birinə - “Celtic" - "Rangers" matçlarına ev sahibliyi edir. 42 dəfə Şotlandiya çempionatının qalibi olan “Celtic"i daha çox katoliklər dəstəkləyir. 53 dəfə ölkə çempionu olan "Rangers"in əsas azarkeş kütləsi isə protestanlardı. Bu iki komanda əzəli rəqib hesab olunur. “Celtic"in baş məşqçisi və digər iki nəfərə göndərilən bombalı paketlərin "Rangers" tərəfdarlarından gəldiyi istisna deyil.
