21 aprel 2011 16:26
Qəbələ Chelsea`ni qabaqlayıb, qrup lideri oldu
Türkiyədə ikinci Beynəlxalq Kuşadası Turnirində çıxışını davam etdirən “Qəbələ”nin 14 yaşa qədər futbolçulardan ibarət komandası qrup mərhələsini uğurla adlayıb. Azerisport.az xəbər verir ki, ilk oyun günündə 3 oyunda 4 xal toplayan təmsilçimiz, ikinci oyun gününü maksimum nəticə ilə yekunlaşdırıb.
Günün ilk matçında “Altay”la qarşılaşan “Qəbələ” Fərid Əsədlinin yeganə qolu sayəsində 3 xalı aktivinə yazıb. “Berlin Türkiyəmspor”la görüşdə də sevunən tərəf “Qəbələ” olub. Ülvi İskəndərov və Sahil Mirzəyevin qolları təmsilçimizə 2:0-lıq qələbə qazandırıb. Bu nəticədən sonra “Qəbələ” 10 xalla qrupu lider kimi tamamlayıb. “Altay” 10 xalla qrupu ikinci, “Çelsi” 8 xalla 3-cü, “Berlin Türkiyəmspor” 6 xalla 4-cü, “Trabzonspor” 6 xalla 5-ci, “Adana Gənclərbirliyi” isə 1 xalla sonuncu yerdə bitirib. Komandamız sabah digər qrupda 4-cü yeri tutmuş “Turqutluspor”la qarşılaşacaq.
