21 aprel 2011 00:00
Qəbələ Chelsea`yə uduzub, Trabzonspor`la sülh bağladı
“Qəbələ”nin 14 yaşa qədər futbolçulardan ibarət komandası 2-ci Beynəlxalq Kuşadası Turnirindəki çıxışına start verib. Azerisport.az xəbər verir ki, ilk oyun günündə ardicil üç 25 dəqiqəlik qarşılaşmaya çıxan təmsilçilərimiz aktivinə 4 xal yaza bilib.
“Trabzonspor”a qarşı baş tutan ilk matçda hesab açılmayıb – 0:0. İkinci oyunda “Chelsea” ilə üz-üzə gələn “Qəbələ” minimal hesablı məğlubiyyətlə barışmalı olub – 0:1. Günün son görüşündə komandamız “Adana Gənclərbirliyi”ni 2:1 hesabı ilə məğlub etməyi bacarıb. Rəqib qapısından qolları Fərid Əsədli və Orxan Mehrəlizadə keçirib. Bu nəticədən sonra “Qəbələ” 4 xalla qrupun ikinciliyinə yüksəlib. Qrupa 7 xalla “Chelsea” başçılıq edir. Qrupun son matçları bu gün (21 aprel) keçiriləcək. “Qəbələ” müvafiq olaraq “Altay” və “Berlin Türkiyəmspor”la qarşılaşacaq.
