21 aprel 2011 00:10
Rauf Əliyev: Daha bir belə uğur qazanmaq istərdim
Fevral ayının ən yaxşısı seçilən Rauf Əliyev bu münasibətlə fikirlərini açıqlayıb. Azerisport.az xəbər verir ki, o, klubun rəsmi saytına açıqlamasında bu mükafata layiq görülməsini belə şərh edib:
“Təbii ki, belə uğur futbolçu üçün sevindiricidi. Son 2 ayda uğurlu çıxış etdiyimizə görə mükafatı “Qarabağ”dan hansısa futbolçu alacağını gözləyirdim. Elə martda da keçirdiyimiz bütün oyunlarda qələbə qazanmışdıq. Mükafatın mənə çatmasına gəlincə, deyərdim ki, Adamiya, Rəşad Sadiqov, Vüqar Nadirov da bu mükafatı ala bilərdi. Bu, mənim ilk belə uğurumdu. Qarşıdakı zamanlarda daha belə bir uğur qazanmaq istərdim. Səs verənlərin hər birinə öz təşəkkürümü bildirirəm. Mənə göstərilən etimad məni daha da ruhlandırdı”.
