22 aprel 2011 00:56
Fenerbahçe prezidenti üçün mövsüm erkən bitdi
Türkiyə Futbol Federasiyasının İntizam Komitəsi “Fenerbahçe” klubuna, eləcə də president Əziz Yıldırıma qarşı sərt cəzalar kəsib. Azerisport.az xəbər verir ki, buna “Gaziantepspor”la oyunda yaşanan olaylar səbəb olub.
Qeyd edək ki, həmin oyunda “sarı-lacıvərdlilər”in meydanında keçirilən qarşılaşmada çoxsaylı iğtişaşlar olmuş, “Fenerbahçe” rəhbərliyi başda Əziz Yıldırım olmaqla meydana enmişdi. Bütün bunların cəzası isə çox ağır olub. Belə ki, klub prezidentinin baş hakimə qarşı təhqirlərini də nəzərə alan İntizam Komitəsi Əziz Yıldırıma 45 günlük cəza və 40 min lirə cərimə kəsib. Bu isə, klub prezidentinin mövsümün sonuna kimi heç bir oyunda komandasını dəstəkləyə bilməyəcəyi anlamına gəlir.
“Fenerbahçe” rəhbrliyində çalışan digər bəzi rəsmilərə, eləcə də kluba da ayrı-ayrı qanun pozuntularına görə kifayət qədər yüksək məbləğdə cəzalar kəsilib.
