23 aprel 2011 01:06
Jaba: Bu oyunda məğlubiyyət mövsümün sonu deməkdi
“Bakı”nın braziliyalı hücumçusu Jaba “Neftçi” ilə səfər oyunu, rəqibin çempionluq şansları, komandasının hazırkı durumu və “Xəzər Lənkəran”la kubok oyunu barədə fikirlərini bölüşüb. Azerisport.az xəbər verir ki, o, açıqlamasında bunları dilə gətirib:
“Neftçi” ilə oyuna yaxşı hazırlaşmışıq. Bu hazırlıq eyni zamanda “Xəzər Lənkəran”la keçiriləcək vacib oyuna da aiddi. “Neftçi” yaxşı komandadı və çempionatın vahid lideridi. Sabahkı (bugünkü – red.) rəqib çempionluğunu rəsmiləşdirmək üçün yalnız qələbəyə oynayacaq. Premyer Liqada iddamız qalmasa da, hər oyun olduğu kimi bu oyuna da yalnız qələbə üçün çıxacayıq.
“Xəzər Lənkəran”la kubok oyunu bizim üçün olduqca vacib bir oyundu. Kubok oyununda qələbə qazanmaq əsas məqsəddi. Çünki, bu oyunda məğlubiyyət mövsümün sonu deməkdi. Ona görə sonacan vuruşub, qələbə qazanmaq lazımdı. Necə ki keçən il bunu etmişdik.
Komanda hər oyuna ürəklə, qələbə ruhu ilə çıxmalıdı. Bu belə olmasa, növbəti oyunlarda da məğlubiyyətdən qaça bilməyəcəyik. Heyətdə dəyişikliklər yer alsa da, bu il “Bakı” çox güclüdü.
Sadəcə komandada qələbə ruhu çatmır.
Sonda “Bakı” azarkeşlərinə bildirmək istəyirəm ki, son vaxtlar uğursuz çıxış etməyimizə baxmayaraq, onlardan sonadək dəstək gözləyirik”. (klubun rəsmi saytı)
