23 aprel 2011 16:54
Haciyevski: Futbolçu var qüvvəsi ilə oynamalıdı
“Simurq”un baş məşqçisi Qyoko Haciyevski komandasının Premyer Liqanın 28-ci turunun “Muğan”la səfər oyununu şərh edib. Azerisport.az xəbər verir ki, Zaqatala klubunun makedoniyalı çalışdırıcısı komandasının 0:3 hesablı yenilgisi ilə bağlı bunları dilə gətirib:
“Bugün məğlub olduq, deməyə söz tapa bilmirəm. Qalib gəlmək istəyirdik. “Muğan” komandasını təbrik edirəm. Futbolçu oyunda var qüvvəsi ilə oynamalıdı, komandaya dəstək olmalıdı. Bu gün heyətlə bağlı çatışmazlıqlarımız var. Bu səbəbdən Qərib İbrahimovu dayaq yarımmüdafiəçisi mövqeyində oynatdım. Lakin bu futbolçuya iradımı bildirsəm də, o, mənə etiraz etdi və əvəzlənməsini istədi. Mən də onu meydandan kənarlaşdırdım. İlk dəfə idi ki, qadın hakim Premyer Liqada oyun idarə edirdi, fikrimcə hakimlik normal idi. Rəhbərliyə bir neçə dəfə istefa ilə bağlı fikrimi bildirmişəm”.
