24 aprel 2011 19:05
Mehman Allahverdiyev: Mən də öz əsəblərimi cilovlaya bilmirdim
“Gəncə”nin baş məşqçisi Mehman Allahverdiyev Premyer Liqanın 28-ci turunun “Turan”la ev oyununu şərh edib. Azerisport.az xəbər verir ki, qərb derbisində komandasının minimal hesablı qələbəsini o, belə dəyərləndirib:
“Çox maraqlı oyun alındı. Gəncə və Tovuz komandalarının qarşılaşması adərən qərb derbisi kimi qiymətləndirilir. Hər iki komandanın üzvlərini belə gözəl oyun münasibətilə təbrik edirəm. Bu mövsüm “Turan”a iki dəfə məğlub olub, bir dəfə də heç-heçə etmişdik. Buna görə də bu gün meydana ancaq qələbə üçün çıxmışdıq. Hansı ki, buna da nail olduq. Hakimliyə gəlincə, hərdən mən də öz əsəblərimi cilovlaya bilmirdim. Amma hakim də inşandı. Onun hakimlik etmək üçün öz baxışı var, bizim isə ayrı. Amma hesab edirəm ki, hakimin nəticəyə təsir edən elə bir səhvi olmadı”.
