25 aprel 2011 14:52
XL-lı futbolçu üçün 365 günlük həsrət (FOTO)
“Xəzər Lənkəran”ın hücumçusu Emeka Opara uzun müddətli qol həsrətinə son qoyub. Azerisport.az xəbər verir ki, çoxdandı ki, qol vura bilməyən nigeriyalı legioner bu uğursuz seriyanı Azərbaycan Premyer Liqasının 28-ci turunun AZAL-la oyununda qırıb.
Aprelin 23-də keçirilən görüşün 76-ci dəqiqəsində fərqlənən Emeka düz 1 il idi ki, rəqib qapılarına yol tapa bilmirdi.
Afrikalı sonuncu dəfə ötən il məhz aprelin 23-də, yəni 365 gün əvvəl qol vurmuşdu. Opara həmin vaxt da indi olduğu kimi Lənkəran şəhər stadionunu bakılılarla qarşılaşmada ayağa qaldırmışdı. Lakin həmin qurban AZAL deyil, “İnter” olmuşdu. Premyer Liqanın ötən mövsümünün 29-cu turunun görüşünün 88-ci dəqiqəsindəki həmin qol komandamızı məğlubiyyətdən xilas etmişdi – 2:2.
Qeyd edək ki, Opara 365 gün ərzində 1263 dəqiqə meydanda qol axtarışlarında olub.
