27 aprel 2011 15:21
Rumınlar Redniki XL-dan ayırır
“Xəzər Lənkəran”ın baş məşqçisi Mirça Rednik yayda cənub təmsilçisini tərk edə bilər. Azerisport.az xəbər verir ki, rumıniyalı mütəxəssisin Buxarest “Rapid”inin baş məşqçisi postuna əsas namizədlərdən olduğu bildirilir.
Rumıniya mətbuatının iddiasına görə, Rednik son dövrlər tez-tez “Rapid”in prezidenti Georgi Koposla telefon əlaqəsi saxlayır və tərəflər arasında danışıqlar davam edir. Cənub təmsilçisi ilə çempionluq sevinci yaşaması inandırıcı görünməyən və yayda müqaviləsinin müddəti başa çatacaq Rednikin də “Rapid”ə dönüşü tam realdı.
