28 aprel 2011 13:07
Xəzər Lənkəran 1000-i yarıladı
Azərbaycan kubokunun 1/2 final mərhələsinin “Bakı” ilə ilk oyunu “Xəzər Lənkəran” üçün əlamətdar olub. Azerisport.az xəbər verir ki, bu matçdakı qələbə komandanın tarixi ərzində qazandığı xalların sayında 500 həddini aşmasına kifayət edib.
Tarixi ərzində üst-üstə bütün yarışlarda 258 matça çıxan “Xəzər Lənkəran” qələbəyə görə 3 xal prinsipi ilə hesabladıqda indiyədək 502 xal toplayıb. Bu, “Bakı” ilə görüşə qədər 499-a bərabər idi.
Komanda Azərbaycan çempionatı və kuboku yarışlarında, həmçinin avrokuboklar və Birlik kubokunda keçirdiyi 258 matçda 145 qələbə qazanıb,67 dəfə heç-heçə etməklə 500 həddini arxada qoyub. 1000 xalı yarılayan komanda yarandığı 2004-cü ilin yayından cəmi 46 dəfə uduzub.
Qeyd edək ki, əlavə vaxt təyin olunduğu matçların 120 dəqiqəsinin hesabı nəzərə alınır. Penaltilər seriyası isə hesablamalara şamil olunmur.
