29 aprel 2011 01:58
Porto Villareal`ı da 5 qolla keçdi (YENİLƏNİB)
Çempionlar Liqasının ardınca bu gün Avropa Liqasında da yarımfinal mərhələsinin ilk oyunları keçirilib. Azerisport.az xəbər verir ki, hər iki yarımfinal matçı elə eyni gündə baş tutub.
Qeyd edək ki, Avroliqanın cari mövsümü Portuqaliya klublarının diqtəsi şəraitində keçir. Hər halda yarımfinala yüksələn 4 komandadan üçünün məhz bu ölkədən olması çox şeydən xəbər verir. İndi onlardan birinin çıxışını yarımfinalda dayandıracağı dəqiqdi. Çünki “Benfica” ilə “Braga” məhz bir-biri ilə mübarizə aparmaq məcburiyyətində qalıb. Onlardan isə finala yalnız biri adlayacaq. Bu komandalar arasındakı ilk görüşə gəlincə, "Benfica" doğma meydanda keçirilən ilk oyundan qələbəyələ ayrılmağı bacardı. Lakin bu cütün taleyinə cavab matçında aydınlıq gəlmiş olacaq.
Digər yarımfinal cütündə isə 3 Portuqaliya klubu arasındakı yeganə digər ölkə təmsilçisi – İspaniyanın “Villarreal” klubu “Porto”nun finala çıxmasına imkan verməməlidi. Hər ikisi kifayət qədər iddialı olan bu klubların mübarizəsini erkən final kimi dəyərləndirənlər də var. Lakin tərəflərin Portuqaliyada baş tutan ilk görüşü kifayət qədər gözlənilməz alındı. İspaniya təmsilçisi hesabı açan tərəf olsa da, fasilədən sonra oyunda dönüş yaradan portəgizlər onları buna peşman edib. Nəticədə Falkaonun pokeri sayəsində rəqib qapısından 5 top keçirən "Porto" səfər matçında bu üstünlüyünü əldən verənə oxşamır. Ən əsası isə, deyəsən, Avroliqanın finalında da elə iki Portuqaliya klubu üz-üzə gələcək.
Avropa Liqası
Yarımfinal
İlk oyunlar
28 aprel
Benfica - Braga - 2:1 (0:0)
Qollar: Jardel, 50, Kardozo, 59 - Vandinyo, 53.
Porto – Villarreal - 5:1 (0:0)
Qollar: Falkao, 50-pen; 68; 76; 90, Quarin, 61 - Kani, 45.
