29 aprel 2011 13:31
Aleksey Savinov: Finala çıxmaq istəyiriksə, buna borcluyuq
“Bakı”nın müdafiəçisi Aleksey Savinov azerisport.az saytına müsahibəsində Azərbaycan kubokunun ilk yarımfinal oyunu çərçivəsində “Xəzər Lənkəran”a məğlubiyyətlərindən danışıb.
- 0:1 hesablı məğlubiyyət size qane etdi?
- Məğlubiyyət heç vaxt qaneedici nəticə hesab oluna bilməz. Amma nəzərə alsaq ki, oyun səfərdə, özü də Lənkəranda idi, heç də hər şeyin pis olduğunu demək olmaz. Axı hələ qarşıda cavab oyunu var. Bu oyun məni ruhlandırdı.
- Niyə?
- Hesab edirəm ki, bu, bizim son vaxtlar göstərdiyimiz ən yaxşı oyun idi. Komandamız əsl xarakter nümayiş etdirdi. Qələbə qazana bilməməyimizi isə bəxtsizliklə əlaqələndirərdim.
- Amma bu xarakter sizə heç məğlubiyyətdən yaxa qurtarmağa da kömək etmədi...
- Özümüz günahkarıq. Biz 4 dəfə təkbətək çıxdığımız halda, heç birindən yararlana bilmədik. Belə olan halda necə uduzmayasan? Lənkəranlılar isə öz şanslarından yararlandılar və qələbə qazandılar.
- Cavab görüşü öncəsi komandanızın şanslarını necə dəyərləndirirsiz?
- Məğlub olmağımıza baxmayaraq, komandamızın şansları heç də pis deyil. Ən azı şansları bərabər hesab edirəm: əllinin əlliyə. İstənilən halda hər şeyə Bakıda aydınlıq gələcək.
- Bakıda sizə ən azı iki top fərqi ilə qalib gəlmək lazımdı. Amma bu, heç də real görünmür...
- Hər ehtimala qarşı biz mümkün qədər çox qol vurmağa çalışmalıyıq. Əgər kubokun finalında çıxış etməyi istəyiriksə, bunu etməyə borcluyuq.
- Digər tərəfdən siz ötən mövsüm XL-ı həm kubokdan, həm də çempionluqdan etmişdiniz və onlar bu dəfə eyni səhvləri təkrarlamaq istəmirlər...
- Ötən mövsüm biz ona layiq idik. İndi onu bu mövsüm də etmək istəyirik. Keçmişdəki keçmişdə qalıb. Biz bu il kuboku qazanmaq və Avropa Liqasına vəsiqə qazanmaq istəyirik. Hələlik, bunun üçün şansımız var və bu yolda hər şeyi edəcəyik.
