29 aprel 2011 16:51
Süleymanov: Neftçi ilə oyunda qarşımıza 3 xal qazanmaq vəzifəsi qoyulub
AZAL-ın baş məşqçisi Nazim Süleymanov Premyer Liqanın 29-cu turunun “Neftçi” ilə oyunu öncəsi şansları dəyərləndirib. Azerisport.az saytına müsahibəsində o, prinsipial qarşılaşma öncəsi bunları dilə gətirib:
“Həlledici oyunların olduğu bir dövrdə həm də ağır qrafiklə oynamaq məcburiyyətində qalmışıq. Amma burda heç nəyi dəyişmək mümkün deyil. Qarşıda da “Neftçi” ilə çətin matçımız var. Qarşımıza qələbə qazanmaq vəzifəsi qoyulub. Rəqibimiz çempionluğunu rəsmiləşdirməyə çalışır. Lakin bu, bizi qətiyyən qorxutmur. AZAL-ı ancaq öz məqsədləri maraqlandırır. Çünki bu oyunda qələbə bizə daha çox lazımdı”.
