29 aprel 2011 17:56
AFFA-dan 3 kluba mənfi, Qarabağ`a müsbət cavab
AFFA-nın Apellyasiya və Ekspert Komitəsinin növbəti iclası keçirilib. Azerisport.az xəbər verir ki, iclasda aşağıdakı məsələlərə baxılıb:
- “Qarabağ”ın 5000 manat və əvəzedici komandanın üzvü Qarayev İsrafilin 10 oyunluq cəzalandırılması barədə futbolçunun müraciəti
- “Bakılı”nın, “MKT-Araz”ın heyətində qanunsuz olaraq onlara qarşı oyunda iştirak etmiş 2 futbolçu - Elnur Yusifov və Elçin Mehdiyev barədə müraciəti
- “Abşeron” və “Gəncə”nin lisenziyalaşdırma sənədlərini vaxtında təqdim etmədikləri üçün cərimələnmələri barədə müraciəti
- “İnter”in futbolçu Aleksandr Qrossun cəzasının yüngülləşdirilməsi ilə bağlı müraciəti
Aparılan müzakirələrdən sonra aşağıdakı qərarlar qəbul olunub:
AFFA-nın İntizam Komitəsinin “Qarabağ” PFK-nın 5000 manat və əvəzedici komandanın üzvü Qarayev İsrafilin 10 oyunluq cəzalandırılması barədə 01.03.2011-ci il tarixli qərarı dəyişdirilsin. Futbolçu və kluba münasibətdə Premyer Liqa Yarışlarının İntizam Qaydalarının 38.6-cı maddəsi tətbiq olunsun. Bu maddəyə əsasən klub 2500 manat, futbolçu isə 5 oyun cəzalandırılsın.
“Bakılı”nın müraciəti təmin olunmasın.
“Abşeron”un müraciəti təmin olunmasın.
“Gəncə”nin müraciəti təmin olunmasın.
“İnter”in futbolçusu Aleksandr Qross barədə AFFA İntizam Komitəsinin qəbul etdiyi qərar qüvvədə saxlanılsın. Aleksandr Qross intizam tədbiri olaraq 1 oyunluq kənarlaşdırılsın, digər 2 oyunluq cəzadan isə 6 aylıq sınaq müddəti tətbiq edilməklə azad olunsun. 6 aylıq sınaq müddəti ərzində Aleksandr Qross analoji hərəkətlərə yol verdiyi təqdirdə, ona təyin olunmuş intizam tədbiri hazırkı azad olunmuş cəzaya əlavə olunsun.
