29 aprel 2011 16:48
Yığmamızdan yüz faizlik nəticə (YENİLƏNİB)
Qazaxıstanda təşkil olunmuş “Prezident kuboku” turnirinin qrup mərhələsində 17 yaşadək futbolçulardan ibarət Azərbaycan yığması bu gün son oyununu keçirib. Azerisport.az xəbər verir ki, futbolçularmız Bakı vaxtı ilə saat 15:00-da, “Astana Arena”da özbəkistanlı həmyaşıdları ilə qarşılaşıb.
Görüş komandamızın inamlı qələbəsi ilə başa çatıb. Nəticədə Təbriz Həsənovun yetirmələri final mərhələsində yüzfaizlik nəticə ilə yüksəliblər.
Qeyd edək ki, yığmamız bugünkü oyunun nəticəsindən asılı olmayaraq, turnirin finalında mübarizə aparmaq hüququ qazanmışdı. Buna isə İran (2:1) və Qazaxıstan üzərindəki (3:2) üzərindəki qələbələr sayəsində nail olunmuşdu.
Qrupumuzun digər oyunu hələlik keçirilməyib. Digər yarımqrupda isə Türkiyə Ermənistanı 2, Ukrayna Gürcüstanı 1 cavabsız qolla məğlub edib. Nəticədə Ukrayna qrup qalibi adını qazanaraq sabah keçiriləcək final matçında millimizlə qarşılaşmaq hüququna yiyələnib.
Prezident kuboku
Qrup mərhələsi
29 aprel
Azərbaycan - Özbəkistan - 3:1 (1:1)
Qollar: Ruslan Nəsirli, 13, 87-pen, Orxan Əliyev, 54 - İzzatilla Abdullayev, 35.
Komandamız meydana aşağıdakı heyətlə çıxıb: 1. Əyyub Əliyev (k), 2. Elvin Camalov, 3. Şirməhəmməd Məmmədov, 4. Sadiq Quliyev, 5. Adil Nəbiyev, 7. Kamran Abdullazadə, 8. Kənan Manafov, 9. Qurbanəli Əliyev, 10. Orxan Əliyev, 16. Ruslan Nəsirli, 17.Coşqun Diniyev.
Ehtiyat oyunçular: 12. Polad Mirzəzadə, 13. Nurlan Şiriyev, 6. Rüstəm Əsgərov, 18. David Qarayev, 19. Vəkil Talıbov, 14. Ramin Şirinov.
Ehtiyat oyunçular: 12. Polad Mirzəzadə, 13. Nurlan Şiriyev, 6. Rüstəm Əsgərov, 18. David Qarayev, 19. Vəkil Talıbov, 14. Ramin Şirinov.
| 1 | Azərbaycan | 3 | 3 | 0 | 0 | 8 | - | 4 | 9 |
| 2 | Özbəkistan | 3 | 0 | 2 | 1 | 2 | - | 4 | 2 |
| 3 | Qazaxıstan | 2 | 0 | 1 | 1 | 3 | - | 4 | 1 |
| 4 | İran | 2 | 0 | 1 | 1 | 1 | - | 2 | 1 |
