1 may 2011 19:38
Tovuz şəhər stadionundan şikayət
Premyer Liqanın 29-cu turu çərçivəsində "Turan"ın qonağı olan "Muğan" səfər oyununda 1:0 hesabı ilə qalib gəlib. Azerisport.az xəbər verir ki, qarşılaşmadan sonra komandaların baş məşqçiləri matçla bağlı bunları dilə gətiriblər:
Bəhmən Həsənov, "Muğan"ın məşqçisi: "Meydançanın vəziyyətinin ağır olmasına baxmayaraq, komandamın göstərdiyi oyundan razı qaldım. Ağır oyun oldu. Heyətdə əsasən gənc futbolçulara üstünlük verdik. Futbolçularıma minnətdarlığımı bildirirəm. Biz hər bir oyuna eyni cür hazırlaşırıq. "Turan" klubuna uğurlar arzulayıram".
Sakit Alıyev, "Turan"ın məşqçisi: "Meydança yaxşı vəziyyətdə deyildi. İlk hissədə buraxdığımız səhv qapımızda qolla nəticələndi. Lakin ikinci hissədə daha yaxşı oynadıq. Futbol bəxtimiz də bu gün gətirmədi. İkinci hissədə göstərdikləri oyuna görə komandaya təşəkkür edirəm. Sona qədər bizi dəstəklədikləri üçün azarkeşlərimizə minnətdaram".
