2 may 2011 16:11
“Bu, Azərbaycan futboluna qarşı düşmənçilikdi, cinayətdi”
“Neftçi”nin veteran futbolçusu Səmədağa Şıxlarov ölkəmizdə səviyyəli hücumçuların yetişməməsindən şikayətlənib. Azerisport.az xəbər verir ki, o, müsahibəsində bu problemlə bağlı aşağıdakıları dilə gətirib:
“Hücum – çox çətin mövqedi. Bəlkə də futbolda əsas məsuliyyət elə məhz hücumçuların üzərinə düşür. Dörd müdafiəçi, dörd yarımmüdafiəçi oynamaq olar. Dörd hücumçu ilə nadir hallarda hansısa klub oynaya bilər. Əksər hallarda iki hücumçulu taktiki sxemə üstünlük verilir. Deməli, iki hücumçu dörd müdafiəçiyə qarşı olur. Bu isə asan məsələ deyil. Müdafiəni yarmaq – oyunu oxumaq, topsuz oyun, texnika, taktiki tapşırıq, sağ-sol ayaqla işləmək, başla oyun, qapı istiqamətində topa zərbə. Bax, bunun üçün usta olmalısan. Təəssüf ki, Azərbaycan futbolunda bu gün yaxşı hücumçu görmürəm. Təkcə, Rauf Əliyevi fərqləndirmək olar.
“Hücum – çox çətin mövqedi. Bəlkə də futbolda əsas məsuliyyət elə məhz hücumçuların üzərinə düşür. Dörd müdafiəçi, dörd yarımmüdafiəçi oynamaq olar. Dörd hücumçu ilə nadir hallarda hansısa klub oynaya bilər. Əksər hallarda iki hücumçulu taktiki sxemə üstünlük verilir. Deməli, iki hücumçu dörd müdafiəçiyə qarşı olur. Bu isə asan məsələ deyil. Müdafiəni yarmaq – oyunu oxumaq, topsuz oyun, texnika, taktiki tapşırıq, sağ-sol ayaqla işləmək, başla oyun, qapı istiqamətində topa zərbə. Bax, bunun üçün usta olmalısan. Təəssüf ki, Azərbaycan futbolunda bu gün yaxşı hücumçu görmürəm. Təkcə, Rauf Əliyevi fərqləndirmək olar.
Niyə qapıçılarla işləyən məşqçi var, hücumçularla yox? Bu gün dünya futbolunun yaralı yeri yaxşı hücumçuların azlığıdı. Hücumçular da, bu gün, yarımmüdafiədən oynayır. Təmiz hücumçu qıtlığı var. AFFA-ya və işlədiyim klubların rəhbərlərinə təklif etmişəm ki, hücumçularla işləyən məşqçi götürsünlər. Bu təklifi Avropa miqyasına çıxarmaq lazımdı. Təəssüf ki, hələlik təklifimə müsbət cavab verən yoxdu.
Azərbaycanda uşaq futbolunun inkişaf etdirilməsi üçün vahid proqram hazırlanmalıdı. Bu mənim fikrimdi. Həmin proqramda millətin fiziki göstəriciləri, mental dəyərləri və futbol ənənələri nəzərə alınmalıdı. Bu gün Premyer Liqada çıxış edən klubların hərəsi bir üslubda futbol oynayır. Ona görə də milli komanda axsayır. Uşaq futbolunda çalışan məşqçilərin təyinatına ciddi fikir vermək lazımdı.
Çalışmaq lazımdı ki, onlar ən azı 5-6 illik futbolçu karyerası olanlar olsun. Onlara verilən maaş çox yüksək olmalı və pulun bir hissəsi onun iki-üç il ərzində yetişdirdiyi futbolçuların sayına əsasən ödənilməlidi. Belədə məşqçi məsuliyyət hiss edəcək.
Klublarda aşağı yaş qrupları üzrə komandalar üçün hazırlanan məşq planlarının bəziləri ilə tanış olmuşam. Çox gülməli məşqlər keçirlər. 10 yaşlı uşaqlar fiziki çalışmalar yerinə yetirməyə məcbur edilir. Bu, Azərbaycan futboluna qarşı düşmənçilikdi, cinayətdi”. ("Bakı"nın saytı)
