2 may 2011 20:14
Çingiz Abdullayev azarkeşlərimizi Almaniya ilə oyuna səslədi (FOTOLAR)
AÇ-2012-nin seçmə mərhələsi çərçivəsində iyunun 7-də keçiriləcək Azərbaycan - Almaniya oyununun biletləri aprelin 21-dən etibarən satışa çıxarılıb. Azerisport.az xəbər verir ki, bu gün Park Bulvar Alış-Veriş Mərkəzində yerləşən satış məntəqələrinin birində tanınmış yazıçı, Azərbaycan Yazıçılar Birliyinin katibi Çingiz Abdullayev bilet alıb fikirlərini bildirib:
“Sevinirəm ki, Azərbaycan millisi Almaniya kimi komanda ilə qarşılaşacaq. Çox istərdim ki, yığmamız bu oyunda qalib gəlsin. Sizə bir sirr açım: Mən 3 dəfə dünya çempionu olmuş Almaniya yığmasının azarkeşiyəm. Lakin bu qarşılaşmada, təbii ki, Azərbaycan millisini dəstəkləyəcəyəm. Azarkeşlərə müraciət edərək onları Azərbaycan – Almaniya oyununa stadionda baxmağa və millimizi qələbəyə ruhlandırmağa səsləyirəm”.
Sonda 17 yaşadək futbolçulardan ibarət Azərbaycan yığmasının üzvləri Çingiz Abdullayevlə xatirə şəkli çəkdiriblər.
