3 may 2011 13:01
AFFA seleksiya işlərinin nəticələrini açıqladı
Son 1 il ərzində AFFA tərəfindən aparılan seleksiya işləri sayəsində müxtəlif ölkələrdə yaşayan Azərbaycan əsilli 100-dən çox futbolçu aşkar edib. Azerisport.az xəbər verir ki, onlardan təxminən 60 nəfəri müxtəlif yığma komandaların heyətində toplanışa dəvət olunub, 30-dan çoxu hazırda müxtəlif yaş qrupu üzrə milli komandalarda çıxış edir.
Bu işlər hazırda da həyata keçirilir. Yığma komandalarımızın beynəlxalq yarışlarda uğurlu nəticələr əldə edə bilməsi üçün AFFA müxtəlif ölkələrdə yaşayan və yığmalarımızda çıxış etmək hüququna malik futbolçuların axtarışını davam etdirir. Bu layihə həm kişi, həm də qadın futbolçuların seleksiya işlərini əhatə edir.
