3 may 2011 12:02
Milan Neftçi`ni təbrik etdi
Azərbaycanın ən köklü klubu "Neftçi" PFK-nın Premyer Liqanın 2010/11 mövsümündə vaxtından qabaq qızıl medallar qazanması təkcə ölkəmizdə deyil, bütün dünyada əks-səda doğurub. Azerisport.az xəbər verir ki, altıncı dəfə çempion tituluna yiyələnən flaqmanın ünvanına məşhur klubların, mütəxəssislərin, idman xadimlərinin adından təbriklər gəlməkdədi.
Belə təbriklərdən biri də planetin ən nəhəng klublarından biri olan İtaliya "Milan"ından daxil olub. "Milan" klubunun vitse-prezidenti Adriano Qallianinin imzası ilə "Neftçi" PFK-nın prezidenti Sadıq Sadıqova göndərilən məktubda deyilir: "A.C. Milan" ailəsi adından sizi 6-cı dəfə çempionluq titulu qazanmağınız münasibətilə təbrik edirik".
