3 may 2011 12:15
Ramiz Məmmədov: Atırau üzərində təzyiq var
Qazaxıstanın “Atırau” klubunun azərbaycanlı baş məşqçisi Superliqanın son turunun “Lokomotiv”lə ev oyununu şərh edib. Azerisport.az xəbər verir ki, həmyerlimiz komandasının Astana təmsilçisi ilə qolsuz heç-heçəsindən narazı qalıb:
“Çox təəssüf ki, qələbə qazana bilmədik. Ola bilər ki, siz bizim oyundan razı qaldınız. Amma şəxsən biz məşqçilər korpusu komandanın oyunundan narazıyıq. Komanda üzərində böyük təzyiq var. Bu da ondan irəli gəlir ki, komanda birinci altılıqdan kənarda qalıb və istədiyi xalları qazana bilmir. Təəssüf edirəm ki, məhz bu təzyiq səbəbindən biz ələ düşən imkanları qola çevirə bilmirik. Nəticədə də heç-heçə ilə kifayətləndik”.
