4 may 2011 00:42
Əfran İsmayılovun kürəyini yerə vurdular
“Qarabağ” klubu ölkəmizdə sayılıb-seçilən təhsil ocaqlarından olan Bakı özəl türk litseyinin qonağı olub. Azerisport.az xəbər verir ki, tədbirdə Ağdam klubunun baş məşqçisi Qurban Qurbanovla yanaşı futbolçular - Əfran İsmayılov, Georgi Adamiya, Vüqar Nadirov, Rauf Əliyev və Elvin Məmmədov da iştirak edib.
Litseyin rəhbərliyi tərəfindən səmimi olaraq qarşılanan “Qarabağ”ın üzvləri ilk olaraq məktəblə tanış olublar. Tədbirin təşkilatçısı Cihad Cengiz və məktəbin direktor müavini Salih Gülhan məktəbin fəailiyyəti haqqında danışaraq, tədris müəssisəsinin bütün bölümləri haqqında ətraflı məlumat verdi. Şagirdlərlə səmimi söhbət edən Qurban Qurbanov onların dərsləriylə də maraqlandı. İdman bölməsində isə daha maraqlı olay yaşandı. Beləki məktəbin idman dərəcəsi olan güləş müəllimi Ercan Cengizlə vaxtilə güləşlə məşğul olmuş Əfran İsmayılov güclərini sınadı. Əfran ciddi müqavimət göstərsə də sonda, peşəkar rəqibi qalib gəldi.
Tədbirin növbəti mərhələsi isə şagirdlərlə görüşdə baş tutdu. 200-ə yaxın şagird qonaqları alqışlarla qarşıladı. İlk olaraq “Qarabağ” haqqında şəkilli slaydlar təqdim edildi. Sonra isə baş məşqçiyə və futbolçulara suallar verilməyə başladı. Sonda isə şagirdlər və müəllim heyətiylə xatirə şəkili çəkildi.
