4 may 2011 20:25
Kaxaber Sxadadze: Qələbəni qızıma həsr edirəm
“İnter”in baş məşqçisi Kaxaber Sxadadze Azərbaycan kubokunun AZAL-la yarımfinal mərhələsinin cavab oyununu şərh edib. Azerisport.az xəbər verir ki, “bankirlər”in gücrüstanlı çalışdırıcısı komandasının 1:0 hesablı qələbəsi ilə başa çatan cavab görüşündən sonra bunları dilə gətirib:
“Bu cür stadion tikdikləri üçün AZAL klubuna təşəkkürümü bildirirəm. Əla stadiondu, inanıram ki, azarkeşlər hər oyunda bu stadionu dolduracaq. Komandamı təbrik edirəm, əla oynadıq. Çox gözəl oyun alındı. AZAL da çox gözəl oyun göstərdi. Hər iki komandanın kifayət qədər fərqlənmək imkanı oldu. Bu gün qızımın ad günüdü, bu qələbəni ona həsr edirəm. AZAL klubuna gələcək oyunlarda uğurlar arzulayıram”.
