6 may 2011 01:24
“Azərbaycana yenilgidən sonra dəyişən sadəcə mən oldum”
AÇ-2012-nin seçmə mərhələsi çərçivəsində millimizin rəqiblərindən olan Türkiyə yığmasının və “Beşiktaş”ın müdafiəçisi İbrahim Toraman son dövrlər ölkəsinin əsas komandasına dəvət ala bilməməsinə etirazını dilə gətirib. Azerisport.az xəbər verir ki, “qara qartallar”ın arxa xətt oyunçusu baş məşqçi Quus Hiddinkin diqqətindən kənarda qalmasına belə münasibət bildirib:
“Milli komandaya uğurlar arzulayıram. İnşallah qələbə qazanarlar və iddiamızı davam etdirərik. Amma komandada maraqlı olaylar yaşanır. Milli komandaya zədəli olduğum vaxtlarda çağırırdılar. Hiddinkin mənimlə bağlı düşüncələrinin müsbət olduğu və məni bəyəndiyini söyləyirdilər. Hər şey yaxşı gedirdi. Azərbaycanla oyundan sonra bir sıra dəyişikliklər olacağını dedilər. Ancak dəyişən sadəcə mən oldum. Məndən başqa dəyişən bir şey olmadı. Amma mən özümə güvənirəm və dəvət olacağı halda kömək etməyə hazıram”.
Qeyd edək ki, Türkiyə millisi Bakıdakı qarşılaşmada 0:1 hesabıyla məğlub olmuşdu.
