6 may 2011 15:51
Aleksey Savinov: Bakı`dan getmək planlarıma daxil deyil
“Bakı”nın müdafiəçisi Aleksey Savinov azerisport.az saytına müsahibəsində “Xəzər Lənkəran”la kubok oyunundan sonra baş verənlərə, finala çıxa bilməmələrinə, həmçinin “qara siyahı”da hesab olunmasına münasibət bildirib.
- Komandanızın Azərbaycan kubokunun finalına çıxa bilməməsinə çox məyus oldunuz?
- Bunu asanlıqla unutmaq olmaz. Biz bu görüşdə bütün gücümüzü qoyduq ki, finala vəsiqə qazanaq. Bizim bu məqsədimizə çatmağımıza çox cüzi çatışmazlıqlar mane oldu.
- Sizcə, əsas çatışmayan nə oldu?
- Biz Lənkəranda qol vurmalı idik. Hər iki oyun bərabər səviyyədə keçdi. Cütün taleyini də məhz səfərdə vurulan qol həll etdi. “Bakı” finalda oynamağı daha çox istəyirdi, nəinki XL. Bu, bizə çox lazım idi.
- Artıq demək olar ki, mövsüm sizin üçün başa çatıb?
- Hələ yox. Qarşıda 3 tur var. Biz hər şeyi itirsək də, simamızı saxlamışıq. Bizə mövsümü layiqli şəkildə başa vurmaq lazımdı. Qarşıda bizi AZAL ilə oyun gözləyir ki, bu oyunda mütləq qələbə qazanmaq istəyirik.
- Hələ yox. Qarşıda 3 tur var. Biz hər şeyi itirsək də, simamızı saxlamışıq. Bizə mövsümü layiqli şəkildə başa vurmaq lazımdı. Qarşıda bizi AZAL ilə oyun gözləyir ki, bu oyunda mütləq qələbə qazanmaq istəyirik.
- Hələ kubokun yarımfinal oyunları öncəsi klub rəhbərliyi uğursuzluq halında komandada kütləvi islahatların baş tutmasının mümkünlüyünü dilə gətirmişdilər...
- Mənim işim məşq etmək, oynamaqdı. Artıq klub rəhbərliyinin necə qərar qəbul edəcəyi mənim işim deyil.
- Artıq hazırda mətbuatda “Bakı”nın 10-a yaxın futbolçusunun belə bir qara siyahıya düşdüyü bildirilir...
- Bu qara siyahı haqda heç bir məlumatım yoxdu. Mənə bu haqda heç kim heç nə deməyib. Bunu ilk dəfə sizdən eşidirəm.
- Sizin müqavilənizin müddəti nə vaxt bitir?
- Razılaşmaya əsasən mən hələ iki il də burda oynaya bilərəm. Çünki müqaviləmin müddəti 2013-cü ilə qədərdi.
- Bəs harasa getmək haqda nəsə planınız var?
- Mən bu haqda sözümü hələ mövsümün əvvəlində demişdim. Məhz o vaxt 3 illik müqavilə imzalamışdım. Odu ki, “Bakı”dan getmək planlarıma daxil deyil.
