7 may 2011 13:40
Namiq Yusifov: Bizim üçün XL-ın necə oynaması vacib deyil
Ağdamın “Qarabağ” klubunun yarımmüdafiəçisi Namiq Yusifov Premyer Liqanın 30-ci turunun “Xəzər Lənkəran”la oyunu ərəfəsində azerisport.az saytının suallarını cavablandırıb:
- Komanda Lənkərana oyundan iki gün öncə yollandı. Bu, nə ilə bağlıydı?
- Bu, birinci dəfə deyil. Əlbəttə, bizim “Xəzər Lənkəran”la oyunlarımız xüsusi xarakter daşıylr. Amma deməzdim ki, biz onlarla oyunlara xüsusi hazırlaşırıq. Sadəcə, hər dəfə oyundan öncə bir qədər tez gəlməklə, yerli mühitə uyğunlaşmağa çalışırıq.
- Bu görüşdə sizi hansı nəticə qane edir?
- Qələbə bizim üçün yaxşı nəticə olacaq. Amma qarşıda hələ iki tur qaldığını nəzərə alsaq, heç-heçə də pis nəticə olmazdı. Hələ dəqiq deyil nə, necə olacaq. Rəqibimiz hazırda yaxşı əhval-ruhiyyədədi. Çünki bu günlərdə Azərbaycan kubokunun finalına yüksəlməyin ruh yüksəkliyini yaşayırlar.
- Sizin Lənkərana son səfəriniz qələbə ilə yekunlaşmışdı...
- Onda komandamız əla oyun sərgiləmişdi. Amma biz onu bu dəfə də təkrarlamalıyıq.
- Orta sahə oyunçusu olduğunuzu nəzərə alsaq, sizin üçün rəqibin heyətində kimə qarşı oynamaq daha çətindi?
- Mən deməzdim ki, onların elə güclü yarımmüdafiə xətti var. Sadəcə, “Xəzər Lənkəran”ı komanda kimi güclü hesab etmək olar. Xüsusilə də Uinston Parksla Emeka Oparanın başçılıq etdiyi hücum xəttini.
- Bəs Julius Vobay?
- Pis oyunçu deyil, amma ona qarşı da oynamaq olar. Bizim üçün “Xəzər Lənkəran” necə oynaması elə də vacib deyil. Əsas odu ki, biz özümüz necə oynayacağıq. Əgər biz həmişəki kimi komandaya uğur gətirən futbolumuzu sərgiləsək, onda hər şey bizim üçün uğurla bitəcək.
- Pis oyunçu deyil, amma ona qarşı da oynamaq olar. Bizim üçün “Xəzər Lənkəran” necə oynaması elə də vacib deyil. Əsas odu ki, biz özümüz necə oynayacağıq. Əgər biz həmişəki kimi komandaya uğur gətirən futbolumuzu sərgiləsək, onda hər şey bizim üçün uğurla bitəcək.
- Sizin üçün Avropa Liqasına neçənci yerlə yollanmağın hansısa fərqi var?
- İstənilən halda çempionatı mümkün qədər üst pillədə bitimərk istəyirik. Hər halda ikinci yer üçüncüdən daha yaxşıdı. Mənim artıq iki bürünc medalım var. Artıq gümüş medal qazanmağın da vaxtıdı.
