8 may 2011 13:02
Millimizin sabiq üzvü Sadıqova qələbə sevinci yaşatdı
Rusiya Premyer Liqasında 8-ci turun oyunları keçirilir. Azerisport.az xəbər verir ki, artıq millimizin sabiq baş məşqçisi Vaqif Sadıqovun çalışdığı “Anji” klubu da bu turdakı oyununu başa vurub.
Həmyerlimizin komandası səfərdə “Volqa” ilə qarşılaşıb. Qarşılaşmada hesabı meydan sahibləri açsa da, fasilədən sonra Hacı Hacıyevin yetirmələri dönüş yarada biliblər. Öncə Yan Qolenda hesabı bərabərləşdirib. 68-ci dəqiqədə isə vaxtilə millimizin şərəfini qorumuş Şamil Lahiyalov Mahaçqala təmsilçisinə qələbə qazandıran qola imza atıb – 2:1.
Qeyd edək ki, bu qələbə azərbaycanlı məşqçinin çalışdığı komandanın turnir cədvəlinin ikinci pilləsinə yüksəlməsi ilə nəticələnib. Hazırda “Anji”nin qabaqladığı komandalar içində “Zenit” və “Lokomotiv” də var.
