8 may 2011 16:36
Real Sevilyada da xoşagəlməz olayla üzləşdi
Madridin “Real” klubu yenə xoşagəlməz olayla üzləşib. Azerisport.az xəbər verir ki, dünən keçirilən “Sevilla” ilə oyundan sonra geri qayıdarkən komandanın avtobusu “San-Pablo” aeroportu yaxınlığında sevilyalı tərəfdarlar tərəfindən daş-qalaq edilib.
Azarkeşlər qonaq komandanı daşa basıb ki, bu zaman hətta avtobusun şüşələri də sındırılıb. Lakin xoşbəxtlikdən ciddi zərər çəkən olmayıb.
Qeyd edək ki, Madrid klubu bu mövsüm artıq neçənci dəfədi belə olaylarla üzləşir. Elə bu yaxınlarda “Barcelona” ilə səfər oyunu zamanı rəqib komandanın azarkeşləri bu komandanı daşa basmışdı. Fevralda “Deportivo” fanatları da “Real”a məhz oxşar şəkildə “xoş gəldin” etmişdi. Lakin onlar bir qədər yüngül artilleriyadan – yumurtadan yararlanmışdılar.
Sonda onu da xatırladaq ki, “Real” “Sevilla” ilə səfər matçında 6:2 hesablı qələbəyə sevinmişdi.
