8 may 2011 19:33
Millimizin sabiq üzvü Superliqada! (FOTO)
Millimizin sabiq üzvü Ernani Pereyra növbəti mövsümdən Türkiyə Superliqasında mübarizə aparacaq. Azerisport.az xəbər verir ki, onun şərəfini qoruduğu “Mersin İdman Yurdu” klubu bu gün Türkiyənin Bank Asiya birinci liqasının 33-cü turu çərçivəsində keçirilən “Boluspor”la ev oyununda qazandığı qələbə sayəsində Superliqaya vəsiqəni özü üçün təmin edib.
Qeyd edək ki, “Boluspor” da “Mersin İdman Yurdu”nun əsas rəqiblərindən idi. Lakin mersinlilər prinsipial rəqibi 2:0 hesabıyla məğlub etməyi bacarıblar. Bu qələbənin ardından çempionatdakı xallarının sayını 58-ə yüksəldən “Mersin İdman Yurdu” Superliqaya vəsiqəni cibinə qoymuş olub.
Maraq üçün onu da bildirək ki, Mersin təmsilçisinə kimi bu hüquqa “Samsunspor” yiyələnmişdi. Hazırda eyni xala malik tərəflər artıq qalan turlarda sadəcə qızıl medallar urğunda mübarizə aparacaqlar.
