8 may 2011 11:35
İlqar Qurbanov: Tez-tez klub dəyişməkdən artıq bezmişəm
“Qarabağ”ın yarımmüdafiəçisi İlqar Qurbanov Premyer Liqanın 30-cu turunun “Xəzər Lənkəran”la səfər oyunundan sonra azerisport.az saytının suallarını cavablandırıb.
- “Xəzər Lənkəran”la heç-heçəyə razılaşdığınız görüşlə bağlı nə deyə bilərsiz?
- Lənkəranda həmişəki kimi əla futbol atmosferi var idi. Biz də yaxşı oynadıq, rəqibimiz də. Düzü, belə maraqlı oyunu hələ xatırlamıram. Uzun müddət hesabda geridə olsaq da, sonda istəyimizə çata bildik və qol vurduq. Qələbə qazanmaq üçün kifayət qədər qol epizodları var idi. Amma yekun nəticədə heç-heçə oldu.
- Qurban Qurbanov sizi sona 15 dəqiqə qalmış meydana buraxanda nə dedi?
- Bildirdi ki, yarımmüdafiənin sol cinahında oynayıb, hücuma dəstək verməlisən, amma müdafiəni də unutmamalısan. İstəmirdim ki, komandamız bu oyunda məğlub olsun. Hücumlarda da iştirak edirdim ki, sonda bu da bəhrəsini verdi və qol vura bildim.
- Yəqin ki, məşqçilər korpusunun ümidlərini tam doğrulda bildiniz?
- Hər şey göz önündə idi. Amma mənim öz fikrimə görə bu oyunda qol vurmaq heç də bütün ümidləri doğrultmaq anlamına gəlmir.
- Hər şey göz önündə idi. Amma mənim öz fikrimə görə bu oyunda qol vurmaq heç də bütün ümidləri doğrultmaq anlamına gəlmir.
- Hər halda komandanızın xilaskarı oldunuz...
- Özümü xilaskar hesab etmirəm. Bütün komanda bunun üçün çalışdı. Vüqar Nadirov mənə elə gözəl ötürmə verdi ki, mənim onu qola çevirməməyim sadəcə günah olardı.
- Bundan sonra sizi əsas heyətdə görə biləcəyik?
- Hər bir futbolçu kimi mən də oynamaq istəyirəm. Amma hadisələri qabaqlamaq istəmirəm. Yenə məşqlərimi edib, hazır olmağa çalışacağam.
- Hər bir futbolçu kimi mən də oynamaq istəyirəm. Amma hadisələri qabaqlamaq istəmirəm. Yenə məşqlərimi edib, hazır olmağa çalışacağam.
- Sizin əhval-ruhiyyənizdən də hiss etmək olur ki, “Qarabağ” bu heç-heçədən razıdı...
- Nəzərə alsaq ki, Lənkəranda oynayırdıq, bu nəticəni pis hesab edə bilmərik. Biz bu nəticə sayəsində ikinci yer uğrunda mübarizə aparmaq şansımızı saxladıq. İki tur qalıb. Maksimum nəticə əldə etməyə çalışacağıq ki, gümüş medalları qazana bilək.
- İki xal itirsəz də, hər halda Avropa Liqasına rəsmən vəsiqə qazanmış oldunuz...
- Bizim bu mövsümkü əsas məqsədimiz də məhz bu idi. İndi rahatca ikinci yer uğrunda mübarizə aparmaq olar.
- Mövsümün sonunda müqaviləniz başa çatır. “Qarabağ”da qalacaqsız?
- Əgər təklif etsələr, qalacam. Uzun müddət bir komandada qalmaq istəyirəm. Tez-tez klub dəyişməkdən artıq bezmişəm.
- Əgər təklif etsələr, qalacam. Uzun müddət bir komandada qalmaq istəyirəm. Tez-tez klub dəyişməkdən artıq bezmişəm.
