10 may 2011 13:52
İlqar Qurbanov: XL-la oyunda vurduğum qol mənə stimul oldu
“Qarabağ”ın yarımmüdafiəçisi İlqar Qurbanov komandasının çıxışı, eləcə də “Xəzər Lənkəran”la son oyunda vurduğu qoldan danışıb. Azerisport.az xəbər verir ki, o, bunları dilə gətirib:
“Bu il həqiqətən mənim üçün çətin alındı. Öncə, “Mersin İdman Yurdu”yla, ardınca lisenziya ilə bağlı yaranmış problemlər məni futbolsuz qoymuşdu. Üstəlik, arada zədə də keçirmişdim. Amma daim öz üzərimdə işləyirdim. “Qarabağ”a gələndə bilirdim ki, o dəqiqə heyətə düşən eyiləm. Öncədən də bildirmişdim ki, komandada olan rəqabətdən xəbərim var. Çalışmaqla öz zamanımı gözləməliyəm. Bilirdim ki, Qurban müəllim özümü göstərmək üçün mənə mütləq şans verəcək. Son 2 oyunda “18-liy”ə düşdüm. Zamanımın yavaş-yavaş yetişdiyini hiss edirdim. Elə oldu ki, “Xəzər Lənkəran”la oyunda bu şansı qazandım. Meydana çox istəkli çıxmışdım. Komandama yararlı olmağa çalışırdım. Allahın izniylə, pis alınmadı. Bu, o demək deyil ki, qol vurdum, hər şey bitdi. Düzdü, bu qol mənə stimul oldu. Amma daha çox çalışmaq lazım olduğunu bilirəm. Bizim komandada çox güclü rəqabət var. Heyət də genişdi. İnşallah, “Qarabağ”a daha da faydalı olmağa çalışacam”. (klubun saytı)
