10 may 2011 16:24
Millimizin baş məşqçisi: Komanda xarakter nümayiş etdirdi
“FA of Moldova Cup” turnirində 17 yaşadək futbolçulardan ibarət Azərbaycan və Litva komandaları arasında bu gün keçirilmiş oyundan sonra yığmamızın baş məşqçisi Təbriz Həsənov matçla bağlı fikirlərini bildirib. Azerisport.az xəbər verir ki, komandamızın çalışdırıcısı 2:1 hesablı əzmkar qələbəmizlə bağlı bunları dilə gətirib:
“Süni örtüklü meydanda keçirdiyimiz oyunlardan sonra təbii ot üzərində çıxış etməyimiz bizə müəyyən mənada çətinliklər yaratdı. Rəqib birinci hissədə cəmi bir dəfə hücuma keçdi və təəssüf ki, həmin epizodda qol vura bildi. Fasilədən sonra komandamız əsl xarakter nümayiş etdirdi. Kifayət qədər qol epizodu yaratsaq da, cəmi 2 dəfə fərqlənə bildik. Qələbə münasibətilə komandamızı təbrik edirəm”.
