11 may 2011 14:36
Qəbələ Vüqar Nadirova yeni qiymət qoydu
Məlum olduğu kimi, “Qəbələ” Azərbaycan millisinin bir çox üzvünü heyətinə qatmaqda iddialıdı. Azerisport.az xəbər verir ki, “Qarabağ”la müqaviləsinin müddəti başa çatmaqda olan Elvin Məmmədovla razılığa gələ bilməyən Toni Adamsın komandası hazırda bütün diqqətini Ağdam klubunun digər üzvü Vüqar Nadirova yönəldib.
İngiltərəli baş məşqçi Vüqarı komandasında görmək istədiyindən artıq qarşı tərəfə bununla bağlı təklif də göndərilib. Qəbələ klubu “Qarabağ”ın oyunçusu üçün 300 min dollarlıq qiymət qoyub. Ağdam klubunun Nadirova eyni şərtlər altında yeni müqavilə təklif etməsi elə də inandırıcı görünmür. Sadəcə, bir məqam var ki, 24 yaşlı Ağdam futbolunun yetirməsi doğma klubunu tərk etməkdə elə də maraqlı deyil. Bu üzdən də o, fikirləşmək üçün vaxt istəyib.
