12 may 2011 13:49
Elvin Əliyev: Buna görə hamımız günahkarıq
AZAL-ın müdafiəçisi Elvin Əliyev azerisport.az saytına müsahibəsində komandasının son dövrlərdəki zəif oyunundan, avrokuboklara vəsiqə şanslarından danışıb.
- Son dövrlər AZAL-ın nəticələri heç də ürəkaçan deyil. Bu, nə ilə bağlıdı?
- Düzünü deyim ki, dəqiq bilmirəm. Biz final mərhələsinə kimi çox yaxşı mübarizə aparırdıq. Hətta çempionluğa şansımız var idi. Amma “altılıq” mərhələsində hər şey dəyişdi. Niyəsini bilmirəm. Hardasa apreldən bəri oyunumuz alınmır.
- Düzünü deyim ki, dəqiq bilmirəm. Biz final mərhələsinə kimi çox yaxşı mübarizə aparırdıq. Hətta çempionluğa şansımız var idi. Amma “altılıq” mərhələsində hər şey dəyişdi. Niyəsini bilmirəm. Hardasa apreldən bəri oyunumuz alınmır.
- “Bakı” ilə son oyunda da məğlubiyyətdən qaça bilmədiz...
- Bilirsiz, uduzmaq da olar. Heç kim bundan sığortalanmayıb. Məsələn, mövsümün əvvəlində bizim “Xəzər Lənkəran”la oyunumuzda qələbə qolu 93-cü dəqiqədə vuruldu. Həmin oyunda biz əla oynamışdıq. Sadəcə bəxtimiz gətirmədi, qol buraxdıq. Amma “Bakı”yla oyundakı məğlubiyyət tam fərqli idi. Özümüz də anlamırıq ki, oyunumuz niyə alınmır. Qol vəziyyətləri də olur, vurammırıq.
- Bəlkə, komandada hansısa problemlər var ki, AZAL-ın oyununa təsir göstərir?
- Xeyr, heç bir problem yoxdu. Biz öz aramızda mehribanıq. Düzdü, uğursuz oyunlardan sonra müəyyən qədər gərgin anlar olur. Amma bu, ötəri olur. Öz aramızda da uğursuzluğu müzakirə edirik, çıxış yolu tapmağa çalışırıq.
- Gennadi Bliznyukun komandadan gedişini necə qarşıladız?
- O, həqiqətən yaxşı futbolçu idi. “Altılıq”da məhz onun sayəsində iki vacib qələbə qazandıq. Ola bilsin ki, onun da gedişi müəyyən qədər təsirini göstərdi. Amma deməzdim ki, bu təsir böyük ölçüdə oldu.
- Hər halda demək olar ki, indi komandada forvard böhranı var?
- Mən belə deməzdim. Bizdə yaxşı hücumçular var. Məsələn, Qvidas Yuşkanı götürək. İndi o komandanın bombaridi.
- Amma sizin bombardiriniz “altılıq” mərhələsində yatmaqdadı...
- Onun qol vurması üçün bütün komandanın oynaması lazımdı. Təkcə hücumçuları günahlandırmaq düz deyil. Komandanın oyunu alınmırsa, deməli hamı günahkardı.
