12 may 2011 18:37
Heç-heçə oldu, hər iki məşqçi narazı qaldı
Premyer Liqanın 31-ci turunda "Gəncə" və "Qəbələ" klubları arasında keçirilən oyun qolsuz heç-heçə ilə başa çatdı - 0:0. Azerisport.az xəbər verir ki, qarşılaşmadan sonra hər iki komandanın çalışdırıcısı matçla bağlı fikirlərini dilə gətirib:
Qari Stivens, "Qəbələ"nin məşqçisi: "Burada oynamaq həmişə çətindi. Qələbə üçün gəlmişdik. Təəssüf ki, qapıçımız qırmızı vərəqə aldı, 1 xalla kifayətlənməli olduq. Son oyunlarımızda heç-heçə edirik".
Mehman Allahverdiyev, "Gəncə"nin baş məşqçisi: "Bu gün qol imkanlarımız çox oldu, lakin istifadə edə bilmədik. Əsas heyətin 9 futbolçusu bugünkü oyunda iştirak etmirdi. Hücumda müəyyən çatışmazlıqlarımız var idi. Yaxşı oynadıq, amma qalib gələ bilmədik".
