13 may 2011 00:01
“İstədiyimiz oyunu göstərə bilmədik”
“FA of Moldova Cup” turniri çərçivəsində bu gün 17 yaşadək futbolçulardan ibarət Rumıniya və Azərbaycan komandaları arasında keçirilən oyundan sonra yığmamızın baş məşqçisi Təbriz Həsənov matçla bağlı fikirlərini bildirib. Azerisport.az xəbər verir ki, o, qolsuz heç-heçə ilə bitən görüşdən sonra bunları dilə gətirib:
“Rumıniya yığmasının turnirdə keçirdiyi ilk oyunu izləmişdik və qarşılaşmanın çətin olacağını bilirdik. Taktikamızı əks-hücum üzərində qurmuşduq. Buna baxmayaraq, istədiyimiz oyunu göstərə bilmədik. Rəqib də bizə istədiyimiz kimi oynamaq imkanı vermədi. İkinci hissənin əvvəlində azlıqda qalmağımız oyun sistemimizi pozdu. Bununla belə, uşaqlar sona qədər mübarizə apardı və nəticədə heç-heçə qeydə alındı”.
