13 may 2011 12:05
“Azərbaycan çempionu olmuşam, indi də kuboku qazanmaq istəyirəm”
"İnter"in qapıçısı Georgi Lomaya “Xəzər Lənkəran”la kubokun final matçı öncəsi komandaların şanslarını dəyərləndirib. Azerisport.az xəbər verir ki, klubun azarkeş saytına danışan gürcü qolkiper kubokdan əllərini üzmədiklərini bildirib:
"Əgər biz Avropa Liqasına vəsiqə qazanmaq istəyiriksə, AZAL-a mütləq qalib gəlməliyik. Bunununla da Avroliqaya vəsiqəni sığortalaya bilərik. "Neftçi ilə oyunda yorğunluq bizə qalib gəlməyə imkan vermədi. Amma AZAL-la oyuna tam ciddi və var gücümüzlə hazırlaşırıq. Artıq AZAL sindiromunu qırmışıq. Bu oyunda mütləq qələbə qazanıb, 4-cü pilləni özümüz üçün təmin eləməliyik. Lakin bu, o demək deyil ki, "Xəzər Lənkəran"dan çəkinirik və kubokdan əlimizi üzmüşük. Yox, sadəcə bu futboldu, hər şey ola bilər. Hazırda "İnter" və "Xəzər Lənkəran" bərabər səviyyəli klubdu və düşünürəm ki, gözəl final oyunu olacaq. Mən Azərbaycan çempionu olmuşam. İstərdim ki, Azərbaycan Kubokuna da sahib çıxaq".
