14 may 2011 17:54
“Ardıcıl ikinci turnirin qalibi olmağımız sevindirici haldı”
«FA of Moldova Cup» turnirində 17 yaşadək futbolçulardan ibarət Moldova və Azərbaycan komandaları arasında bu gün keçirilmiş oyundan sonra yığmamızın baş məşqçisi Təbriz Həsənov fikirlərini bildirib. Azerisport.az xəbər verir ki, komandamızın çalışdırıcısı bunları dilə gətirib:
“Ardıcıl ikinci turnirin qalibi olmağımız sevindirici haldı. Qazaxıstanda keçirilən “Prezident kuboku» turnirindəki oyunlarla müqayisədə burada yaratdığımız qol imkanlarından az istifadə edə bildik. Belə turnirlərin təşkili futbolçuların oyun təcrübəsini artırmaqla yanaşı, onların dünyagörüşünün formalaşmasına da müsbət təsir göstərir. Ümid edirəm ki, gələcək oyunlarda da uğurlu çıxışımızı davam etdirəcəyik”.
