15 may 2011 00:23
Georgi Adamiya: Çətin ki, Neftçi XL-la oyunda bizi düşünsün
“Qarabağ”ın hücumçusu Georgi Adamiya Premyer Liqanın 31-ci turunun het-tirkə imza atdığı “Neftçi” ilə oyunundan sonra azerisport.az saytının suallarını cavablayıb.
- Keçmiş klubunuzu darmadağınla keçdiniz. Təəssüratlarınız?
- Çox isti var idi. Buna görə də oyun bir az çətin alındı. Hər şeyə rəğmən, rəqiblə müqayisədə bizim oyuna daha yaxşı motivasiyamız var idi. Rəqibimiz isə artıq çempion olduğundan bu oyun onlar üçün elə də vacib əhəmiyyət kəsb etmirdi. “Qarabağ”a gəlincə, bizə ikinci pilləni tutmaq lazımdı. Bu üzdən “Neftçi”yə qalib gəlməyimiz vacib idi. Bakılılar sakit oyunla nəticə qazanmaq istəsə də, onlarda alınmadı. Biz isə istəyimizə nail ola bildik.
- Quzanlıda oynamaq necə təsir bağışladı?
- Yaxşı. Gözəl futbol atmosferi vardı, meydança əla vəziyyətdə idi. Futbol üçün daha nə lazımdı ki?
- Yaxşı. Gözəl futbol atmosferi vardı, meydança əla vəziyyətdə idi. Futbol üçün daha nə lazımdı ki?
- Daim burda oynamaq istəmirsiz?
- Burda Bakıda olan şərait yoxdu. Bu, çox ağırdı. Əgər Quzanlıda da paytaxtdakı kimi şərait olsaydı, niyə də burda oynamayaq? Yəqin ki, növbəti mövsümdən ev oyunlarımızı harda keçirəcəyimizə rəhbərlik qərar verəcək.
- Yəqin ki, çempion olmuş komandanı belə hesabla yenmək ikiqat sevinclidi?
- Əlbəttə. İndi sadəcə son oyunumuza hazırlaşmalı və “Xəzər Lənkəran”la ikinci yer uğrundakı mübarizəmizə aydınlıq gətirməliyik. Çox şey onların “Neftçi” ilə oyunundan asılı olacaq.
- Paytaxt klubunun qələbəsinə azarkeşlik edəcəksiz?
- Çətin ki, “Neftçi” bizi düşünsün. Onların “Xəzər Lənkəran”la öz haqq-hesabları var.
- Çətin ki, “Neftçi” bizi düşünsün. Onların “Xəzər Lənkəran”la öz haqq-hesabları var.
- Siz bugünkü qarşılaşmanın qəhrəmanı oldunuz...
- Bu, mənim üçün də çox xoşdu. Xüsusilə də Quzanlıda baş verməsi ikiqat sevincli oldu.
- Siz het-trik sayəsində həm də Bahodir Nasimovu qabaqladınız...
- Belə alındı. Amma əlbəttə, bu, hələ mənim ən yaxşı bombardir olmağım anlamına gəlmir. Qarşıda hələ bir tur var. Ondan sonra danışarıq.
