15 may 2011 12:45
Emeka Opara: Ötən mövsüm XL üçün əsl dərs olub
“Xəzər Lənkəran”ın hücumçusu Emeka Opara azerisport.az saytına müsahibəsində Premyer Liqanın və Azərbaycan kubokunun həlledici oyunları öncəsi fikirlərini açıqlayıb.
- Son turda komandanız “Bakı”nı məğlub edərək, gümüş medal qazanmaq şansını əlində saxladı…
- “Neftçi” ilə son oyunumuz çox çətin olacaq. Amma biz gümüş medal qazanmaq üçün onları da məğlub etməliyik.
- Əgər komandanızın əsas məqsədi avrokuboklara vəsiqəq qazanmaq idisə, mövsümün son oyunlarına bu dərəcədə prinsipiallıqla yanaşmaq nə dərəcədə vacibdi?
- Biz son turda “Bakı” qarşısında revanş götürmüş olduq. İndi isə növbədə “Neftçi”di. Bəli, onlar artıq çempionluqlarını təmin ediblər. Amma bu, onların “Qarabağ”ı məğlub etməsinə mane ola bilməzdi.
- Onlar Quzanlıda heç də əsas heyətlə çıxış etmirdilər...
- Qorxulu heç nə yoxdu. Şəxsən mənim üçün rəqibin hansı heyətlə mübarizə aparmasının elə də önəmi yoxdu. Məni həmişə öz oyunumuz maraqlandırır. Biz bütün rəqiblərimizə hörmətlə yanaşırıq. Amma Bakıya qələbə dalınca gələcəyik.
- Demək olar ki, komandanızı iki final gözləyir?
- Bəli, özü də ikisi də eyni stadionda. Buna görə də bizə Tofiq Bəhramovdakı son iki oyunumuzda qələbə qazanmaq lazımdı.
- Artıq mövsümün sonuna iki tur qalıb. Sizcə, mövsümü əsasən nə ilə xarakterizə etmək olar?
- Çox tez-tez bir şeyin şahidi olurduq ki, meydanda təkcə rəqiblərə yox, kənar qüvvələrə qarşı da mübarizə aparırdıq. Mən bunu gizlətmək istəmirəm. Onsuz da mənim nə demək istədiyimi başa düşərlər. Buna görə də, “Xəzər Lənkəran”ın hazırda ikinci yeri tutması bizim üçün yaxşı nəticədi. Ən əsası odu ki, biz azarkeşlərimiz qarşısında ölkənin ən güclüsüyük.
- Çox tez-tez bir şeyin şahidi olurduq ki, meydanda təkcə rəqiblərə yox, kənar qüvvələrə qarşı da mübarizə aparırdıq. Mən bunu gizlətmək istəmirəm. Onsuz da mənim nə demək istədiyimi başa düşərlər. Buna görə də, “Xəzər Lənkəran”ın hazırda ikinci yeri tutması bizim üçün yaxşı nəticədi. Ən əsası odu ki, biz azarkeşlərimiz qarşısında ölkənin ən güclüsüyük.
- Ötən mövsümün sonunda da “Xəzər Lənkəran” hər iki cəbhədə qalib olmağa yaxın olsa da, sonda heç birini qazana bilmədi...
- O, təkrarlanmayacaq. Hesab edirəm ki, ötən mövsüm komanda üçün əsl dərs olub. İndi yenidən həmin aqibətin təkrarlanmasını istəmirik.
