16 may 2011 02:10
Hollandiya çempionu da müəyyənləşdi
Hollandiya çempionatında 2010-2011 mövsümünün qalibi müəyyənləşib. Azerisport.az xəbər verir ki, Erediviziyada sonuncu turun oyunları keçirilib.
Ötən həftə Hollandiya Kubokunun finalında üz-üzə gələn "Ajax" və "Twente" bu dəfə Erediviziyanın həlledici qarşılaşmasında qarşılaşıb. Hesabı 23-cü dəqiqədə "Ajax"ın oyunçusu Siem de Yonq açıb. 47-ci dəqiqədə Denni Landzaat fərqi iki topa çatdırıb. 48-ci dəqiqədə Teo Yanssen fərqi azaltsa da, Siem de Yonq 78-ci dəqiqədə üçüncü topu "Twente"nin qapısından keçirib.
Bununla da "Ajax" 30-cü dəfə Hollandiya çempionluğunu qazanıb. Bu, Amsterdam təmsilçisinin 6 illik fasilədən - 2004-cü ildən sona ilk çempionluğu olub.
Qeyd edək ki, ötən həftə Hollandiya Kubokunun finalında baş tutan "Twente" - "Ajax" matçında birincilər 3:2 hesablı qələbə qazanmışdı.
