16 may 2011 14:31
Berti Foqts: Bu, futbolçularda da böyük ruh yüksəkliyi yaradacaq
Azərbaycan milli komandasının baş məşqçisi Berti Foqts ölkəmizin “Eurovision-2011”in qalibi olması ilə bağlı AFFA-nın rəsmi saytına da fikirlərini bildirib. Azerisport.az almaniyalı mütəxəssisin həmin fikirləri ilə sizi də tanış edir:
“Çox sevinirəm ki, Azərbaycanı təmsil edən musiqiçilər – Eldar Qasımov və Nigar Camal – məhz mənim vətənimdə – Almaniyada təşkil olunmuş “Eurovision-2011” Beynəlxalq Mahnı Müsabiqəsinin qalibi oldular. Bu münasibətlə Azərbaycan xalqını təbrik edir və hesab edirəm ki, Azərbaycan bu qələbəyə layiqdi. Azərbaycanlı müğənnilərin mahnısını dinlədikdən sonra təmsilçilərinizin bu müsabiqənin favoriti olduğuna əmin idim. Finalda bu, bir daha öz təsdiqini tapdı və Avropa ölkələrinin böyük əksəriyyəti Azərbaycan təmsilçilərinə yüksək bal verdilər.
Bu uğurlu nəticə bir daha onu göstərir ki, məqsədyönlü fəaliyyət qarşıya qoyulan məqsədə çatmağa böyük zəmin yaradır. İnanıram ki, Azərbaycan incəsənətinin bu qələbəsi futbolçularmızda da böyük ruh yüksəkliyi yaradacaq”.
