16 may 2011 15:07
Ajax`ın da çempionluq kubokunu yerə saldılar(VİDEO)
Hollandiya Erediviziyasında çempion olan "Ajax"ın qapıçısı Marten Stekelenburq da çempionluğu qeyd edərkən kuboku avtobusda gedərkən əlindən yerə salıb. Azerisport.az xəbər verir ki, çempion olduqdan sonra şəhərdəki zəfər yürüşü zamanı komanda üstü açıq avtobusla gəzərkən komandanın çempionluq kuboku Hollandiyalı milli qapıçının əlindən sürüşərək yerə düşüb.
Stekelenburqun başının üzərinə qaldırdığı kubok arxadan gələn digər avtobusun qarşısına düşüb.
Şəhərdə çempionluğu qeyd edən “Ayaks” azarkeşlərindən biri, qabı götürərək digər azarkeşlərlə çempionluğu qeyd etməyə davam edib.
Qeyd edək ki, Stekelenburq son dövrdə komandasının çempionluq kubokunu avtobusdan salan 2-ci futbolçu oldu. Bir müddət öncə İspaniyada Kral Kubokunda “Barcelona”nı 1:0 hesabıyla məğlub edərək çempion olan "Real”ın müdafiəçisi Serxio Ramos da Madriddəki oxşar yürüş zamanı kuboku əlindən salmışdı.
