16 may 2011 17:20
Berti Foqts XL və İnterin oyunçularını milliyə çağırmadı
Mayın 20-dən 28-dək Bakı şəhərində Azərbaycan milli komandasının təlim-məşq toplanışı keçiriləcək. Azerisport.az xəbər verir ki, artıq baş məşqçi Berti Foqts millimizin yeni heyətini də açıqlayıb.
Toplanışa dəvət olunmuş futbolçuların adları ilə aşağıdakı siyahıdan tanış ola bilərsiz. Yalnız onu bildirək ki, millimizin çalışdırıcısı hələlik 22 futbolçuya dəvət göndərib. Lakin Azərbaycan kubokunun finalına yüksəlmiş komandalardan millinin heyətinə dəvət olunacaq futbolçular barədə əlavə məlumat veriləcək.
Heyətdəki əsas diqqətçəkən məqamlardan biri baş məşqçinin uzun fasilədən sonra "Qarabağ"ın yarımmüdafiəçisi Rəşad Sadiqovu geri qaytarmasıdı. Onunla yanaşı çoxdan idi zədəyə görə heyətə düşə bilməyən Əfran İsmayılov da milliyə dəvət olunub. Baş məşqçinin AZAL-dan Usim Ndukanı heyətə cəlb etməsi də az maraq doğurmur. Birinci divizion təmsilçisi "Abşeron"un qapıçısı Andrey Popoviç yenə millinin düşərgəsinə çağırılıb.
Milliyə ən çox futbolçu verən klub "Qarabağ"dı - 8 oyunçu. 5 futbolçu "Neftçi"dən dəvət alıb. "Qəbələ" isə milliyə 3 futbolçu verib.
Foqts uzun müddətdi futbolsuz qalan "Qəbələ"nin müdafiəçisi Mahir Şükürovu heyətə salmayıb. Axı o, bu haqda özü bir müddət öncə almaniyalıdan belə bir xahişdə bulunmuşdu.
Qapıçılar: Fərhad Vəliyev (Qarabağ), Andrey Popoviç (Abşeron);
Müdafiəçilər: Rəşad Sadıqov, Maksim Medvedev (hər ikisi "Qarabağ"), Rail Məlikov, Ruslan Abışov (hər ikisi "Neftçi"), Nduka Usim (AZAL), Vurğun Hüseynov (Turan), Cəmşid Məhərrəmov (Bakı), Saşa Yunisoğlu (Qəbələ);
Yarımmüdafiəçilər: Aqil Nəbiyev (AZAL), Rəşad Sadiqov, Elvin Məmmədov Əfran İsmayılov (hamısı "Qarabağ"), Cavid Hüseynov, Amit Quluzadə, Araz Abdullayev (hamısı "Neftçi"), Arif İsayev (Qəbələ);
Hücumçular: Vüqar Nadirov, Rauf Əliyev (hər ikisi "Qarabağ"), Vaqif Cavadov (Bakı), Murad Hüseynov (Qəbələ).
