17 may 2011 12:31
Chelsea`nin sabiq baş məşqçisini yenə qovdular
İngiltərə Premyer Liqasının cari mövsümününü sonuna az qalmış növbəti baş məşqçi istefası gerçəkləşib. Azerisport.az xəbər verir ki, “West Ham” rəhbərliyi çalışdırıcısı Avram Qrantın fəaliyyətinə son qoyub.
Klub rəhbərliyi israilli mütəxəssisin komandanı elitada saxlaya bilməyəcəyi dəqiqləşən kimi onunla yollarını ayırmağa qərar verib. Onlar bu haqda qəti fitrə mayın 15-də keçirilən “Wigan”la səfər matçındakı 2:3 hesablı yenilgidən sonra gəliblər.
Rəhbərliyin bu haqda qərarı sözügedən oyundan cəmi 2 saat sonraya təsadüf edib. Komandanın bu mövsümkü son oyununda futbolçuları meydana köməkçi-məşqçi Kevin Kin çıxaracaq. Qeyd edək ki, bazar günü “West Ham” “Sunderland”i qəbul edəcək.
Maraq üçün xatırladaq ki, bundan öncə “Chelsea” və “Portsmouth”da çalışan Qrant ötən ildən “West Ham”lə anlaşmışdı. 56 yaşlı mütəxəssis Canfranko Zolanın istefasının ardından bu klubla dörd illik müqavilə imzalamışdı. Lakin göründüyü kimi tərəflərin bu uzun müddətli planları baş tutmadı.
